Həyat tərzi

Hər bir xanım şərab haqqında bunları bilməlidir

 “Həqiqət şərabdadır”  – iki min il öncənin insanları belə deyərdi. Qədim zamanlardan məlumdur ki, şərab sadəcə spirtli içki deyil, o əsl sənət əsəridir. Şərab – vino dünyası gözəl və əsrarəngizdir, xeyirxahlıq, ənənə və əfsanələr ilə doludur. Bir çox şərabsevərlər təəssüf ki, şərab sirlərinə elə də agah deyillər. Amma necə deyərlər, öyrənmək heç zaman gec deyil. 

Zənnimizcə əsl ledilər da işgüzar uğurların qeyd edildiyi bir çox masaların və eləcə də romantik süfrələrin bəzəyi olan bu içkiləri mütləq bir birindən seçməyi bacarmalıdır. Şərabların içilmə və təqdim edilmə qaydası haqqında bu faktlar sizə faydalı olacaq.

Vino – ən qədim spirtli içki hesab olunur. Bəzi faktlara əsasən şərab istehsalına dair ən qədim izlər məhz bizim torpaqlarda, yəni Qafqazda – Azərbaycan və Gürcüstan ərazilərində aşkar olunub, söhbət bizim eradan əvvəl VI minillikdən gedir.

Şərab haqqında faktlar

Vino sözünün mənşəyi də mübahisəlidir. Amma əksər dünya dillərinə məhz latın dilindən keçib.

Şərab dünyasında dəbi diktə edən tərəf fransızlar olsa belə, ən qədim şərab zirzəmisi Misirdə aşkar olunub.

Mantarburğusu (corkscrew) ilk dəfə 1795-ci ildə kəşf olunub. Əvvəllər isə ona ehtiyac yox idi. Şərab xüsusi çəlləklərdə saxlanılır, süfrəyə isə xüsusi badə və kuzələrdə verilirdi.

Şərab haqqında maraqlı fakt

Şərab haqqında faktlar

Həmçinin tarixin bəzi səhifələrində vino universal valyuta hesab olunub, yunanlar onu qızıl və gümüşə, romalılar isə qula dəyişiblər,

PINOT NOIR –  ən çox klonu (100-ə qədər) qeydə alınmış üzüm növüdür.

Gün ərzində 100 qram qara şokolad və 150 ml vino sizi uzunömürlü və sağlam edər, həmçinin heç zaman kardioloqa yolunuz düşməz.

Dünyanın ən böyük şərab istehsalçısı İtaliyadır, Fransa, İspaniya və ABŞ isə müvafiq olaraq sonrakı yerləri öz aralarında bölüşür.

Şərab haqqında faktlar

Şərab haqqında faktlar

Ənənəyə əsasən birinci yüngül şərablar servis olunur. Bundan əlavə ağ şərablar da masaya qırmızıdan, gənc şərablar yaşlılardan, turş şərablar isə şirinlərdən öncə verilir. Bəli hələ xırdalıqlar bununla bitmir.

Qadınlarda iybilmə xüsusiyyəti daha yaxşı inkişaf edib ona görə də onlar əla somölye ola bilər.

Avropada şərablar bir qayda olaraq, üzümün yetişdiyi ərazinin adı ilə bağlı olur (məsələn BORDO), Avropadan kənarda isə şərablar daha çox üzümün sortunun adını daşıyır (məsələn MERLO)

Şərab haqqında faktlar

 

Şərab qədəhini ancaq aşağı hissəsindən (ayağından) tutmaq lazımdır, yoxsa əlin istisi şərabın dad xüsusiyyətlərini dəyişəcək.

Sən demə bu dünyada şərabdan qorxan insanlar da varmış və bu insanlar “oinofobia – oinophobia adlı xəstəlikdən əziyyət çəkirlərmiş.

Qədəhləri toqquşdurmaq adəti də Qədim Romadan dövrümüzə gəlib. , bu metod heç kəsin bir-birini zəhərləmədiyinə əmin olmaq üçün istifadə olunub. Çünki bu toqquşma zamanı bir qədəhdəki şərab digərinə süzülürmüş. Bundan əlavə qədim Yunanıstanda, ev sahibi ilk şərab qədəhini özü içməli və bununla da qonaqlardan heç kəsi zəhərləmək niyyətinin olmadığın göstərməli imiş.

Qırmızı çaxır

Romada qədim dövrdə şərab içmək qadınlara yasaq imiş. Xanımın şərab içdiyini aşkar edən kimi, bu “kişi içkisini” içdiyinə görə həyat yoldaşını qətlə yetirə bilərmiş.

Babilistanda isə keyfiyyətsiz şərab istehsalçılarını qanunlara əsasən çayda boğurlarmış.

Deyilənə görə əsl şampan şərabını yalnız üç növ üzümdən hazırlamaq olar: Şardone, Pino Mene və Pino Nuar.

Şərab haqqında faktlar

Dünyanın ən qədim şərab şüşəsi isə müasir Almaniyanın ərazisində Romalı alicənab bir zadəgana məxsus qəbirdə tapılıb, 4-cü əsrə aiddir, təxminən 325 – 359-cu illər istehsalıdır və deməli 1659-dan çox yaşı var, alimlər şərabı açmağa cəsarət etmir, o Römerwein, və ya “ Speyer” adı ilə tanınır.

Azərbaycanda isə turistlərin ən çox bəyəndiyi şərab Savalandır və istehsal edilən üzümlər Savalan vadisində yetişir.

Ölkəmizdəki şərab istehsalçıları mantar-tıxaclarını daha çox Portuqaliyadan idxal edir.

Şərab haqqında faktlar

Şərab haqqında faktlar

Əslində faktlar bununla bitmir. Şərablara daha yaxşı bələd olmaq, onları qoxu və dadlarına görə fərqləndirmək və istehsal incəlikərini öyrənmək istəyirsinizsə, müxtəlif dequstasiya turlarına qatıla bilərsiniz. 

Şərh yaz

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Başa