Həyat tərzi

Dekabrda xoşbəxt olmağın 10 Yolu

Dekabr dünyanın böyük bir hissəsində Milad bayramının və yeni ilə hazırlıqların qeyd edildiyi bir aydır və əksəriyyətimiz bu ayda möcüzələr gözləyirik. Amma fərqində deyilik ki, ən böyük möcüzələrin yaradıcısı da bizlərik. Ən böyük hədiyyə sevgidir və insanlara sevgi, diqqət, qayğı bəxş etmək lazımdır. Sevinc paylaşdıqca artan bir hissdir, bunu unutmayaq və daha fərqli bir dekabr yaşamağa hazır olaq.

1. Nənə-babaları, çox istədiyimiz uzaq qohumları ziyarət etmək

Man Using Laptop

Sizə zəng edib desələr ki, (Allah eləməsin!) bəs ən sevdiyiniz bir kəs rəhmətə gedib, üzülüb-ağlayacaq, sonra da işdən-evdən icazə alıb, onun yasına və ya qəbrinin ziyarətinə gedəcəksiniz. Bəs, doğrudanmı sizin onu ziyarət etməyiniz üçün o ölməlidir?

Dekabrda xoşbəxt olmaq üçün sevdiklərinizi ziyarət edin.

2. Uşaqları – körpələri sevindirin

Man in Red Santa Claus Costume Standing Beside Toddler

Bu dekabrda təkcə öz uşaqlarınızı deyil, fərqli körpələri də sevindirə bilərsiniz. Hətta əməkhaqqınızın bir hissəsinə oyuncaq, şirniyyat, kitab və ya geyim dəstləri alın, sonra hansısa metronun girişində Şaxta Baba geyimində onları balacalara paylayın. Çox pozitiv bir enerji alacaqsınız.

Bunu fiziki şəkildə etməyə cəsarət etmirsinizsə, onda layihələrə qoşulun və ən azı bir uşağı da siz sevindirin.

Şaxta Baba Ucqar Kəndlərdə | Santa Claus in Remote Villages

4 ildir uğurla həyata keçirilən “Şaxta Baba Ucqar Kəndlərdə” layihəsini bu il də  Dekabrıb 10-dan start götürür. Hədəf hər dəfə daha peşəkar, daha böyük marşrutla hərəkət edərək, daha çox uşağa hədiyyə çatdırmaqdır. Hər il olduğu kimi hazırlıq müddətində yeni hədiyyə və oyuncaqlar, pul ianələri qəbul olunacaq. Məqsəd kənd uşaqlarının nağıl dünyalarına rəng qatmaq, onları Şaxta Baba ilə görüşdürməkdir.

Əlaqə üçün Tayfun bəyə müraciət edə bilərsiniz.

3. Şəkiyə Piti yeməyə gedin

Soyuq havanın yeməyi pitidir və pitinin vətəni isə Şəkidir. Şəkini gəzin, Xan sarayını ziyarət edin, Kiş məbədinə qalxın, yanındakı balaca kafedə qızılgül mürəbbəsi ilə çay için. Sonra Karvansaranı ziyarət edin. Bir az dağlara çıxın, təmiz hava alın və nəhayət çox acandan sonra bir ailəyə qonaq olun və piti yeyin.

Kiş Məbədini ziyarət edin

Mən Kiş Alban məbədini qış istisna olmaqla, ilin digər fəsillərində görmüşəm, hər dəfə də biri-birindən gözəl mənzərə açılır məbədin həyətində, qarlı günlərdə isə məbədin bir başqa gözəlliyə qərq olduğunu duymuşam. Şəkiyə yolunuz düşsə, mültəq Kişə gedin.

5. Nikbin ruhlu, duyğusal, gülməli video-çarxlar

Dekabrda neqativdən uzaq olan, insani hislər aşılayan, xeyirxah əməllərə səsləyən çoxlu sayda reklam-çarxlar çıxır qarşımıza, hər biri də əslində bizə bir insanlıq nümunəsidir, necə daha yaxşı bir insan ola biləcəyimizi göstərir.

5. İki nəfərlik Milad (Ötən Milad)

Əjdahalar anasının iştirakı ilə romantik-komediya Dekabrın 5-dən etibarən yayımlanacaq və Cinema- Plusda izləyə bilərsiniz.  Rollarda: Emiliya Klark, Emma Tompson, Qenri Qoldinq

Milad bayramı ilə bağlı fəaliyyət göstərən mağazanın işçisi Keyt alkoqol aludəçisidir və uzun müddətdir ki, gələcək həyatını fikirləşmir. Ancaq şirin və valehedici Tomla qarşılaşandan sonra hər şey dəyişir…

Yeni il əhval ruhiyyəli romantik komediyalar

Çox böyük çətinlik çəkmədən yeni illə bağlı klassika adını qazanmış romantik komediyaları, adi komediyaları izləyə, həmçinin dostlar ilə kino gecəsi təşkil edə bilərsiniz.

Yeni illə bağlı klassik filmlər: Home Alone (Evdə Tək), The Family Man (Ailə adamı), The Polar Express (Qütb Ekspressi), The Holiday (Tətil), Grinch (Qrinç), Love Actually (Həqiqi sevmək), Surviving Christmas (Miladda sağ qalmaq) və daha çox film tapmaq mümkündür. 

Bonus olaraq, bu filmi də tövsiyə edə bilərəm, Hallmark hər il Yeni il ərəfəsində maraqlı və pozitiv qısa filmlər istehsal edir. Bu filmlər ingilis dilini təkmilləşdirmək üçün də yaxşı vasitədir.

6. Gəzəyənlərin qış turlarına qatılın  

Növbəti həftəsonu  Gəzəyənlər Qubaya, Girdah şəlaləsi, Xanəgah istiqamətində hikinq turuna gedir.

Siz də təmiz hava ilə ciyərlərinizi doldurmaq, isti samovar çayı içmək, ekstrim yaşamaq, yeni tanışlıqlar əldə etmək və maraqlı oyunlarla tanış olmaq üçün bu tura qoşula bilərsiniz. Gəzəyənlərin Xanəgah, Girdah şəlaləsi yürüşü

 7. Şelkunchik (balet) izləmə zamanı

Tarix: 22.12.2019, Saat: 12:00, Məkan: Rəşid Behbudov adına Dövlət Mahnı Teatrı, Qiymət: 8 -15 AZN

Bəs siz balaca ikən balet izləməyə getmisiniz? Heç zaman gec deyil, xüsusən də əgər söhbət Yeni il ərəfəsində dahi Çaykovskiyin “Şelkunçik” baletindən gedirsə. 

Xatırladaq ki, bu səhnələşdirmə orijinal baletə deyil, “Şelkunçik” multiplikasiya filminin süjetinə əsaslanıb və daha çox uşaqlar və yeniyetmələr üçün nəzərdə tutulub. 

Eyni əsəri teatrallaşdırılmış formada da izləmək mümkündür.

Tarix: 25.12.2019 – 29.12.2019 , Saat: 19:00, Məkan: Azərbaycan Dövlət Akademik Opera və Balet Teatrı, Qiymət: 5 – 16 AZN

Yeni il ərəfəsində balaca körpələriniz ilə birlikdə izləyə biləcəyiniz digər tədbirlər ilə iticket.az saytında tanış ola bilərsiniz.

8. İşdə və ya evdə Yeni il əhval-ruhiyyəsi

Mənim hər zaman Santa-Claus papağı taxmaqdan xoşum gəlib, amma bunu edərkən insanların sənə gülməyəcəyi yeganə ay dekabrdır. Müxtəlif – yolkalı, şaxta babalı, qar adamlı köynəklər, şərflər taxmaq olar, hətta ən ciddi iş geyiminə belə rəngli bir qalstukla gedib, özünüzə əhval-ruhiyyə yarada bilərsiniz.

9. Dağlarda qar gözəldir

Əgər Bakıda qar yoxdursa, özünüzü əsl qışda hiss edə bilmirsinizsə, bolluca qar yağan dağ kəndlərimizdən birinə gedin. Bunu hətta bir-iki günlüyə, həftəsonuna sala bilərsiniz, doyunca qartopu oynayın. Kameranı da unutmayın ki, bu dəfə bəyaz qar fonunda fərqli şəkilləriniz olsun.

10. Yeni ili gəzəyənlər ilə birlikdə qarşılayın

Qarlı-boranlı çılğın bir Yeni İl turu üçün bir az daha uzağa – Avropaya yola düşməyə hazırsınızmı?

Soyuq əllər, isti yeməklər – Mərkəzi Avropa Yeni İl turu

Image may contain: text and outdoor

Bu il gəzəyənlər Yeni il üçün iki tur təşkil edir. Çox uzağa getmək istəməyənlər üçün daha bir fürsət.

Image may contain: text

Bu dəfə “Gəzəyənlər” Mtsxetanın qədim yerlərini gəzib, yeni ili qarşılamaq üçün başı qarlı dağlarla əhatələnmiş Borjomi şəhərinə yollanacaq. Planda oynaya-oynaya, deyib gülə-gülə, 2019-la vidalaşmaq var, hər dəfə olduğu kimi yenə də maraqlı olmağı vəd edir.

Şərh yaz

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Başa